ಪಿಕ್ ನಿಕ್ ಗೆ ತೆರಳಿದ್ದ ಯುವಕರ ಗುಂಪಿನ ಮೇಲೆ ಸಿಟ್ಟಿಗೆದ್ದ ಆನೆಯೊಂದು ದಾಳಿ ಮಾಡಿ ಓರ್ವ ಪ್ರವಾಸಿಗ ಸಾವನ್ನಪ್ಪಿರೋ ಘಟನೆ ಅಸ್ಸಾಂನಲ್ಲಿ ವರದಿಯಾಗಿದೆ. ನಾಗಾಂವ್ನ ಅಮ್ಸೋಯಿ ಶಿವ ಕುಂಡದಲ್ಲಿ ಕಾಡು ಆನೆಗಳ ಹಿಂಡು ಪ್ರವಾಸಿಗರ ಗುಂಪಿನ ಮೇಲೆ ದಾಳಿ ಮಾಡಿದಾಗ ದುರಂತ ಸಂಭವಿಸಿದೆ.
ನಾಮಗಾಂವ್ನ ರಾಹಾದಿಂದ ಪ್ರವಾಸಿಗರ ಗುಂಪು ಪ್ರಸಿದ್ಧ ಪಿಕ್ನಿಕ್ ಸ್ಥಳವಾದ ಅಮ್ಸೋಯಿ ಶಿವ ಕುಂಡಕ್ಕೆ ಆಗಮಿಸಿದಾಗ ಕಾಡು ಆನೆಗಳ ಹಿಂಡು ಶಿವ ಕುಂಡ ಬೆಟ್ಟಗಳಿಂದ ಇಳಿದು ಗುಂಪಿನ ಮೇಲೆ ದಾಳಿ ಮಾಡಿದೆ.
ಗುಂಪಿನ ಸದಸ್ಯರಲ್ಲಿ ಒಬ್ಬರಾದ ನಿಪುಲ್ ಬೊರ್ಡೊಲೊಯ್ ಆನೆ ತುಳಿತದಿಂದ ಸಾವನ್ನಪ್ಪಿದರೆ, ಇತರರು ಯಾವುದೇ ಗಾಯಗಳಿಲ್ಲದೆ ಪಾರಾಗುವಲ್ಲಿ ಯಶಸ್ವಿಯಾದರು.
ಮೃತರನ್ನು ನ್ಯಾಮ್ಗಾಂವ್ನ ನಿಪುಲ್ ಬೊರ್ಡೊಲೊಯ್ ಎಂದು ಗುರುತಿಸಲಾಗಿದೆ. ನಿಪುಲ್ ಬೊರ್ಡೊಲೊಯ್ ಅವರ ಪಾರ್ಥಿವ ಶರೀರ ಅವರ ಮನೆಗೆ ತಲುಪಿದ ವೇಳೆ ಕುಟಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.
ಇದಕ್ಕೂ ಮೊದಲು ಅಸ್ಸಾಂನ ಗೋಲಾಘಾಟ್ ಜಿಲ್ಲೆಯಲ್ಲಿ ಡಿ.19ರಂದು ಕಾಡಾನೆ ದಾಳಿಗೆ ಮಹಿಳೆಯೊಬ್ಬರು ಸಾವನ್ನಪ್ಪಿದ್ದರು.