ದಿನಗಳು ಉರುಳ್ತಿದೆ. ವರ್ಷ ಕಳೆದೂ ಹತ್ತತ್ತಿರ ಎರಡು ವರ್ಷವಾಗ್ತಾ ಬರ್ತಿದೆ. ಇನ್ನೆಷ್ಟು ದಿನ..ಇನ್ನೆಷ್ಟು ತಿಂಗಳು ಈ ಕಾಯುವಿಕೆ? ಹೂ ಹೂ ನಮಗೆ ಆಗಲ್ಲ..ನಿಮ್ಮ ಮುಂದಿನ ಗುರಿ ಜಗದಗಲದಷ್ಟಿದೆ ಸರಿ. ಹಾಗಂತ ಆ ಗುರಿ ತಲುಪಲು ಇಷ್ಟು ಸಮಯ ಸಾಕು ಅಲ್ಲವೇ? ಬೇಗ ಅಖಾಡಕ್ಕಿಳಿರಿ? ಆಟ ಶುರು ಹಚ್ಚುಕೊಳ್ಳಿ? ಹೀಗಂತ ಅಖಂಡ ರಾಕಿಭಾಯ್ ಪಡೆ ಬೇಡ್ತಿದೆ. ಬಟ್ ಅಣ್ತಮ್ಮಾ ಮಾತ್ರ ದಿವ್ಯ ಮೌನ..
ಯಶ್ 19 ಘೋಷಣೆ ಘೋಷಣೆಗೆ ಒಂದೊಳ್ಳೆ ಘಳಿಕೆ, ದಿನ ಕೂಡಿ ಬಂದಿದೆ. ಆ ದಿವ್ಯ ಮುಹೂರ್ತದಂದು ರಾಕಿಭಾಯ್ ಜದಗಲದ ಕನಸ್ಸು ಜಗತ್ತಿನ ಮುಂದೆ ತೆರೆದಿಡಲಿದ್ದಾರೆ. ಈ ಬಿಸಿಬಿಸಿ ಸಮಾಚಾರ ಫ್ಯಾನ್ಸ್ ಕಿವಿಮೇಲೆ ಬೀಳ್ತಿದ್ದಂತೆ ನಿಂತಲ್ಲೇ ಕುಣಿದು ಕ್ಯಾಕೇ ಹಾಕ್ತಾವ್ರೇ..
ಕೆಜಿಎಫ್ ಚಾಪ್ಟರ್ 2 ದರ್ಶನವಾಗಿ ಒಂದೂವರೆ ವರ್ಷ ಕಳೆದು ಹೋಗಿದೆ. ಅಲ್ಲಿಂದ ಇಲ್ಲಿವರೆಗೂ ರಾಕಿಪಡೆಯದ್ದು ಒಂದು ಬೇಡಿಕೆ..ಹೊಸ ಸಿನಿಮಾ ಯಾವಾಗ ಘೋಷಣೆ ಮಾಡ್ತೀರಾ? ಏನು ನಿಮ್ಮ ಮುಂದಿನ ನಡೆ? ಹೋದಲಿ ಬಂದಿಲ್ಲ ಹೀಗೆ ತೂರಿಬರುತ್ತಿದ್ದ ಪ್ರಶ್ನೆಗೆ ಅಣ್ತಮ್ಮಾನದ್ದೂ ಒಂದೇ ಉತ್ತರ ಜಸ್ಟ್ ವೇಟ್ ಅಂಡ್ ವಾಚ್…ಇಷ್ಟು ದಿನ ಕಾದಿದ್ದೇ ಆಯ್ತು..ಸಣ್ಣದೊಂದು ಅಪ್ ಡೇಟ್ ಕೊಡಿ..ಪರಿ ಪರಿಯಾಗಿ ಫ್ಯಾನ್ಸ್ ಕೇಳಿಕೊಂಡ್ರು ಇಲ್ಲವೇ ಇಲ್ಲ. ಫೈನಲಿ ಆ ಕಾಯುವಿಕೆ ಬ್ರೇಕ್ ಬೀಳುವ ಕ್ಷಣ ಬಂದೇ ಬಿಟ್ಟಿದೆ.
ಯಶ್ 19 ಘೋಷಣೆಗೆ ದಿನ ನಿಗದಿಯಾಗಿದೆಯಂತೆ. ಇಂತಹ ಹೊತ್ತಲ್ಲಿ ಕೆಜಿಎಫ್ ಸ್ಟಾರ್ ಗೋವಾದಲ್ಲಿ ಪ್ರತ್ಯಕ್ಷರಾಗಿದ್ದಾರೆ. ಕಾರಣ ಏನಿರಬಹುದು. ರಿಲ್ಯಾಕ್ಸ್ ಗಾಗಿಯೇ..ಮೇಬಿ..ಪತ್ನಿ ರಾಧಿಕಾ ಕೂಡ ಜೊತೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಕೆಜಿಎಫ್ ಚಾಪ್ಟರ್ 2 ರಿಲೀಸ್ ಆದ್ಮೇಲೆ ಹೊಸ ಸಿನಿಮಾ ಬಗ್ಗೆ ಹಗಲು ರಾತ್ರಿ ಎನ್ನದೇ ಶ್ರಮಿಸ್ತಿದ್ದ ಯಶ್ ರಿಲ್ಯಾಕ್ಸ್ ಮೂಡ್ ಗೆ ಜಾರಿದ್ದಾರೆ. ಆಫ್ ಕೋರ್ಸ್.. ಎಲ್ಲವೂ ಫೈನಲ್ ಆಗಿದೆ. ಕಥೆ, ನಿರ್ದೇಶಕರು, ನಿರ್ಮಾಪಕರು..ಇನ್ನೇನೂ ಪ್ಯಾಕಪ್ ಮಾಡ್ಕೊಂಡು ಶೂಟಿಂಗ್ ಅಖಾಡಕ್ಕೆ ಧುಮುಕಬೇಕಿದೆ. ಅದಕ್ಕೂ ಮುನ್ನ ಸಣ್ಣದೊಂದು ರಿಲ್ಯಾಕ್ಸ್..
ಆ ದಿನ ಯಶ್ 19 ಕುತೂಹಲಕ್ಕೆ ಬ್ರೇಕ್ ಬೀಳಲಿದೆ. ಹೀಗಂತ ನಯಾ ಖಬರ್ ಹರಿದಾಡ್ತಿದೆ. ಇದು ಅಸಲಿಯೋ ನಕಲಿಯೋ ಗೊತ್ತಿಲ್ಲ. ಗಣೇಶ ಚತುರ್ಥಿಗೆ ಯಶ್ 19 ಸಿನಿಮಾ ಘೋಷಣೆಯಾಗುವುದು ಬಹುತೇಕ ಪಕ್ಕ ಎನ್ನುತ್ತಿವೆ ಒಂದು ಮೂಲಗಳು..ಆ ದಿನ ಸೆಲ್ಫ್ ಮೇಡ್ ಷಹಜಾನನ ಹೊಸ ಹೆಜ್ಜೆ ಏನು ಎಂಬುದಕ್ಕೆ ಉತ್ತರ ಸಿಗಲಿದೆಯಂತೆ. ಅಷ್ಟಕ್ಕೂ ಯಶ್19 ಸಾರಥಿ ಯಾರು ಅಂತಾ ನೋಡೋದಾದ್ರೆ ಗೀತು ಮೋಹನ್ ದಾಸ್.
ಯಾರು ಈ ಗೀತು ಮೋಹನ್ ದಾಸ್..? ಮಾಲಯಾಳಂ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡಿರುವಾಕೆ..ನಟಿಯಾಗಿ ಹಾಗೂ ನಿರ್ದೇಶಕಿಯಾಗಿರುವ ಗೀತು ರಾಷ್ಟ್ರಪ್ರಶಸ್ತಿ ವಿಜೇತೆ ಕೂಡ..ಈ ಲೇಡಿ ಡೈರೆಕ್ಟರ್ ಅಣ್ತಮ್ಮಾನ ಪ್ಯಾನ್ ವರ್ಲ್ಡ್ ಸಿನಿಮಾದ ಸಾರಥಿ… ವಾತಿ ಸೇರಿದಂತೆ ಹಿಟ್ ಸಿನಿಮಾ ಕೊಟ್ಟಿರುವ ಸಂಯುಕ್ತ ಮೆನನ್ ನಾಯಕಿ, ಮಾಲಿವುಡ್ ಚಿತ್ರರಂಗದ ಟೊವಿನೋ ಥಾಮಸ್ ವಿಲನ್, ಜೆಜೆ ಪೆರ್ರಿ ಆಕ್ಷನ್ ಈ ಚಿತ್ರದ ಹೈಲೆಟ್ಸ್.. ಬಟ್ ಈಟ್ಸ್ ನಾಟ್ ಎ ಕನ್ಫರ್ಮ್. ಹೀಗಂತ ಸುದ್ದಿಯೊಂದು ಸೋಷಿಯಲ್ ಜಗತ್ತಿನಲ್ಲಿ ಹರಿದಾಡ್ತಿದೆ.
ಯಶ್ ಅಧಿಪತಿ, ಗೀತು ಸಾರಥಿ..ಹಾಗಿದ್ರೆ ಕಥೆ ಏನು? ಮತ್ತೆ ರಾಕಿಭಾಯ್ ಗ್ಯಾಂಗಸ್ಟರ್ ಕಥೆ ಆಯ್ಕೆ ಮಾಡಿಕೊಂಡಿದ್ದಾರಾ? ಖಂಡಿತ..ಯಶ್ 19 ಕಥೆ ಡ್ರಗ್ಸ್ ಮಾಫಿಯಾ ಸುತ್ತಾ ಸಾಗಲಿದೆ ಎನ್ನಲಾಗ್ತಿದೆ. ಕೋಲಾರ ಗೋಲ್ಡ್ ಫೀಲ್ಡ್ ಕಥೆಯನ್ನು ಹೇಗೆ ವಿಶ್ವ ಸಿನಿಪ್ರೇಕ್ಷಕ ಮೆಚ್ಚುವಂತೆ ಮಾಡಲಾಯ್ತು. ಅದೇ ರೀತಿ ಪುಟ್ಟ ದ್ವೀಪದ ಕಥೆಗೆ ಹಾಲಿವುಡ್ ಟಚ್ ಕೊಟ್ಟು ಅದ್ಧೂರಿಯಾಗಿ ಪ್ರೇಕ್ಷಕರ ಮುಂದೆ ತೆರೆದಿಡುವ ತಯಾರಿ ತೆರೆಮರೆಯಲ್ಲಿ ನಡೆಯುತ್ತಿದೆ ಎನ್ನಲಾಗ್ತಿದೆ.
ಗಣೇಶ ಚತುರ್ಥಿಗೆ ಸಿನಿಮಾ ಅನೌನ್ಸ್…ಹಾಗಿದ್ರೆ ಶೂಟಿಂಗ್ ಚಾಲುವಾಗುದು ಯಾವಾಗ? ರಾಕಿಭಾಯ್ ಲಕ್ಕಿಯೆಸ್ಟ್ ಮಂತ್ ಡಿಸೆಂಬರ್ ನಿಂದ ಯಶ್ 19 ಶೂಟಿಂಗ್ ಗೆ ಕಿಕ್ ಸ್ಟಾರ್ಟ್ ಸಿಗಲಿದೆಯಂತೆ. ಎಲ್ಲವೂ ಅಂತೇಕಂತೇಗಳೇ, ರಾಕಿ ಕಣ್ಣು ತುಂಬ ಹೊಸ ಕನಸುಗಳೇ..ನೋಡೋಣಾ ಅಣ್ತಮ್ಮಾನ ಭತ್ತಳಿಕೆಯಿಂದ ಯಾವ ರೀತಿ ಬಣ ಹೊರಬರಲಿದೆ? ಎಲ್ಲದಕ್ಕಿಂತ ಮುಖ್ಯವಾಗಿ ಯಾವಾಗ ಬರಲಿದೆ? ಗೌರಿ ಗಣೇಶ ಹಬ್ಬದಂದು ರಾಕಿ ಹೊಸ ಸಿನಿಮಾ ಹಬ್ಬಕ್ಕೆ ಚಾಲನೆ ಕೊಡ್ತಾರಾ? ನೋಡೋಣಾ…ಇನ್ನೇನೂ ಬೆರಳೆಣಿಕೆಯಷ್ಟು ದಿನ ಮಾತ್ರ ಬಾಕಿ..ಗೌರಿ ಗಣೇಶನ ಆಶೀರ್ವಾದ ಪಡೆದು ಅಖಾಡಕ್ಕಿಳಿರಿ ಬಾಸ್..ಸಾಕು ಷ್ಟು ದಿನ ಕಾಯಿಸಿದ್ದು ಎನ್ನುತ್ತಿದ್ದಾರೆ ರಾಕಿಭಾಯ್ ಭಕ್ತಗಣ..