ಕಾವೇರಿ ವಿಚಾರವಾಗಿ ರೈತರ ಮತ್ತು ನಾಡಿನ ಜನತೆಯ ಪರ ಧನಿ ಎತ್ತದ ಸ್ಯಾಂಡಲ್ವುಡ್ ನಟ ನಟಿಯರ ವಿರುದ್ದ ಆಕ್ರೋಶ ವ್ಯಕ್ತವಾಗುತ್ತಿದ್ದಂತೆ ನಟ ದುನಿಯಾ ವಿಜಿ ಟ್ವೀಟ್ ಮಾಡುವ ಮೂಲಕ ಕಾವೇರಿ ಹೋರಾಟಕ್ಕೆ ಬೆಂಬಲವನ್ನು ಸೂಚಿಸಿದ್ದಾರೆ.
ಇದೇ ವೇಳೆ ನಟ ದುನಿಯಾ ವಿಜಿ ಅವರು ಕಾವೇರಿ ವಿಚಾರವಾಗಿ ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡುವ ಮೂಲಕ ಕಾವೇರಿ ವಿವಾದಕ್ಕೆ ಬೆಂಬಲ ಸೂಚಿಸಿದ್ದಾರೆ.
ಕಾವೇರಿ ಈ ನಾಡಿಗೆ ಬರೀ ನೀರಲ್ಲ ಜನರೂಪದ ಬೇರು ಪ್ರತಿಯೊಬ್ಬ ಕನ್ನಡಿಗನು ತಲೆ ಮೇಲೆ ಹೊತ್ತುತ್ತಿರುವ ದೈವರೂಪದ ತೇರು ಅನ್ನದಾತ ಇಂದು ನ್ಯಾಯಾಲಯದ ಕಡೆ ಮುಖ ಮಾಡಿದ್ದಾನೆ ನೀರು ಹರಿದಂತೆ ಅವನ ಕಣ್ಣಿನಿಂದ ನೀರು ಹರಿಯುತ್ತಿದೆ ನ್ಯಾಯಕ್ಕಾಗಿ ನಾವು ಕೈ ಚಾಚುತ್ತಿಲ್ಲ, ಕೈ ಮುಗಿಯುತ್ತಿದ್ದೇವೆ ಅನ್ನದಾತನಿಗೆ ನ್ಯಾಯ ಒದಗಿಸಿ ಎಂದು ರೈತರ ಪರವಾಗಿ ಟ್ವೀಟ್ ಮಾಡಿದ ನಟ ದುನಿಯಾ ವಿಜಯ್