ಅಖಂಡ ಅಲ್ಲು ಅರ್ಜುನ್ ಭಕ್ತಗಣ ನಿರೀಕ್ಷೆಯ ಕಣ್ಣುಗಳಿಂದ ಕಾಯ್ತಿದ್ದ ಆ ದಿನ ಯಾವುದು ಅನ್ನೋದಕ್ಕೆ ತೆರೆ ಬಿದ್ದಿದೆ. ಪುಷ್ಪರಾಜ್ ಬಾಕ್ಸಾಫೀಸ್ ಬೇಟೆಗಿಳಿಯೋದಿಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಈ ವರ್ಷ ಪುಷ್ಪ-2 ಬರೋದಿಲ್ಲ ಅಂತಾ ಚಿತ್ರತಂಡ ಅಧಿಕೃತ ಮುದ್ರೆ ಒತ್ತದಿದ್ರು, ಅವ್ರ ನಡೆಯಂತೂ ಹಾಗೇ ಇತ್ತು. ಯಾಕಂದ್ರೆ ಪುಷ್ಪ ಮೊದಲ ಅಧ್ಯಾಯ ಬರೆದ ದಾಖಲೆಗಳು..ಅಲ್ಲುಗೆ ರಾಷ್ಟ್ರಪ್ರಶಸ್ತಿ ಒಲಿದು ಬಂದ ಕ್ಷಣಗಳು..ಹೀಗಾಗಿ ಇಡೀ ತಂಡದ ಮೇಲೆ ಜವಾಬ್ದಾರಿ ಹೆಚ್ಚೇ ಇದೆ. ಡಿಸೆಂಬರ್ 17 2021ರಂದು ವಿಶ್ವಪರದೆಯ ಮೇಲೆ ಡ್ಯಾಷಿಂಗ್ ಡೈರೆಕ್ಟರ್ ಸುಕುಮಾರ್ ಹಾಗೂ ಬನ್ನಿ ಜೋಡಿಯ ರಕ್ತಚಂದನದ ಕಥಾಹಂದರ ತೆರೆದುಕೊಂಡಿತ್ತು. ಸ್ಟೈಲೀಶ್ ಸ್ಟಾರ್ ಆಗಿ ಮಿಂಚುತ್ತಿದ್ದ ಅಲ್ಲು ಅರ್ಜುನ್ ಮೊದಲ ಬಾರಿಗೆ ಡಿಗ್ಲಾಮರ್ ರೋಲ್ ಧಮಾಕ ಎಬ್ಬಿಸಿದ್ದರು. ಪುಷ್ಪ ಫ್ಲವರ್ ಅಲ್ಲ ಫೈವರ್ ಎನ್ನುತ್ತಾ ಗಲ್ಲಾಪೆಟ್ಟಿಗೆ ಊಡೀಸ್ ಮಾಡಿ 500 ಕೋಟಿ ಲೂಟಿ ಮಾಡಿದ್ದರು.
ಪುಷ್ಪ ಮೊದಲ ಅಧ್ಯಾಯ ಸೂಪರ್ ಡೂಪರ್ ಹಿಟ್ ಆಗಿದೆ. ಕೆಳವರ್ಗದ ಸಾಮಾನ್ಯವಕ್ತಿ ರಕ್ತಚಂದನದ ಸ್ಮಗ್ಲರ್ ಆಗಿ ಹೇಗೆ ಬೆಳೆಯುತ್ತೇನೆ ಅನ್ನೋದನ್ನು ಪುಷ್ಪ ದಿ ರೈಸ್ ನಲ್ಲಿ ಸುಕುಮಾರ್ ಕಟ್ಟಿಕೊಟ್ಟಿದ್ದರು. ಅದ್ರ ಮುಂದವರೆದ ಭಾಗ ಪುಷ್ಪ ದಿ ರೂಲ್ಸ್ ನಲ್ಲಿ ಪುಷ್ಪರಾಜ್ ಆರ್ಭಟ ಹೇಗಿರುತ್ತದೆ ? ಆತನ ರೂಲ್ಸ್ ಏನೂ ಅನ್ನೋದನ್ನು ತೋರಿಸಲಾಗಿದೆ. ಹಾಗಿದ್ರೆ ಪುಷ್ಪ ಸೀಕ್ವೆಲ್ ಯಾವಾಗ ಬರ್ತಿದೆ ಅನ್ನೋದಕ್ಕೆ ಉತ್ತರ ಸ್ವಾತಂತ್ರ್ಯೋತ್ಸವದ ದಿನ. ಮುಂದಿನ ವರ್ಷ ಆಗಸ್ಟ್ 15ರಂದು ಪುಷ್ಪ ಪಾರ್ಟ್ 2 ವರ್ಲ್ಡ್ ವೈಡ್ ರಿಲೀಸ್ ಆಗಲಿದೆ.
ಪುಷ್ಪ ಸೀಕ್ವೆಲ್ ಆಗಮನಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ದಿನಾಂಕ ಗುರುತು ಹಾಕಿಕೊಳ್ಳಿ..ಪುಷ್ಪರಾಜ್ ಮತ್ತೆ ಬರ್ತಿದ್ದಾನೆ ಬಾಕ್ಸಾಫೀಸ್ ವಶಪಡಿಸಿಕೊಳ್ಳಲಿದ್ದಾನೆ ಅಂತಾ ಚಿತ್ರತಂಡ ಸ್ಪೆಷಲ್ ಪೋಸ್ಟರ್ ಮೂಲಕ ಪುಷ್ಪ-2 ಎಂಟ್ರಿಯನ್ನು ಖಚಿತಪಡಿಸಿದೆ. ಚಿನ್ನದ ಆಭರಣಗಳಿಂದ ಕಂಗೊಳಿಸ್ತಿರುವ ಪುಷ್ಪರಾಜ್ ಮುಖ ತೋರಿಸದೆ ಸುಕುಮಾರ್ ನಿರೀಕ್ಷೆ ಹೆಚ್ಚಿಸಿದ್ದಾರೆ. ಪುಷ್ಪ ಸೀಕ್ವೆಲ್ ನಲ್ಲಿ ಅಲ್ಲು ಅರ್ಜುನ್ ಗೆಟಪ್ ಬದಲಾಗಿದೆ ಎನ್ನಲಾಗ್ತಿದೆ. ಹೀಗಾಗಿ ಪೋಸ್ಟರ್ ನಲ್ಲಿಯೂ ಮುಖ ರಿವೀಲ್ ಮಾಡಿಲ್ಲ. ನನ್ನದೇ ರೂಲ್ಸ್ ಅಂತಿರುವ ಪುಷ್ಪರಾಜ್ ಹೊಸ ವರಸೆ ನೋಡ್ಬೇಕು ಅಂದ್ರೆ ಆಗಸ್ಟ್ 15ರವೆರೆಗ ಕಾಯ್ಬೇಕು..
ಅಲ್ಲು ಅರ್ಜುನ್ ಜನ್ಮದಿನದ ವಿಶೇಷ ಉಡುಗೊರೆಯಾಗಿ ಬಂದಿದ್ದ ಸೀಕ್ವೆಲ್ ಗ್ಲಿಂಪ್ಸ್ ಭಾರೀ ಸದ್ದು ಮಾಡಿತ್ತು. ಗುಂಡೇಟು ತಿಂದು ಪೊಲೀಸರಿಂದ ಕಣ್ಮರೆಯಾಗಿದ್ದ ಪುಷ್ಪ ಕಾಡಿನ ನಡುವೆ ಪ್ರತ್ಯಕ್ಷನಾಗಿದ್ದ..ಅದ್ರ ಜೊತೆಗೆ ಗಂಗಮ್ಮದೇವಿ ಗೆಟಪ್ ನಲ್ಲಿಯೂ ದರ್ಶನ ಕೊಟ್ಟಿದ್ದ ಅಲ್ಲು ಹೊಸ ಅವತಾರ ನೋಡಿ ಫ್ಯಾನ್ಸ್ ಊಘೇ ಉಘೇ ಎಂದಿದ್ದರು. ಬನ್ವರ್ ಸಿಂಗ್ ಹಾಗೂ ಪುಷ್ಪರಾಜ್ ಕಾದಾಟ? ರಕ್ತಚಂದನದ ಸ್ಮಗ್ಲರ್ ಆಗಿ ಪುಷ್ಪರಾಜ್ ಅಬ್ಬರ ಹೇಗಿರುತ್ತೇ? ಶ್ರೀವಲ್ಲಿ ಗೆಟಪ್ ಬದಲಾಗುತ್ತಾ? ಹೇಗಿರಲಿದೆ ಈ ಬಾರಿ ಸುಕುಮಾರ್ ಮಾಸ್ಟರ್ ಐಡಿಯಾ? ಎಲ್ಲದಕ್ಕೂ ಆಗಸ್ಟ್ 15ಕ್ಕೆ ಉತ್ತರ ಸಿಗಲಿದೆ. ಇದೇ ಆಗಸ್ಟ್ 15ರಂದು ಕಮಲ್ ಹಾಸನ್ ಇಂಡಿಯನ್ 2 ಹಾಗೂ ಅಜಯ್ ದೇಗವನ್ ಸಿಂಗಂ ಎಗೈನ್ ಚಿತ್ರಗಳು ರಿಲೀಸ್ ಆಗಲಿದ್ದು, ಬಾಕ್ಸಾಫೀಸ್ ಕ್ಲಾಷ್ ಆಗಲಿದೆ. ಪುಷ್ಪ ಫ್ಲವರ್ ಅಲ್ಲ ಫೈವರ್..ಪುಷ್ಪರಾಜ್ ಎದುರು ಬರಬೇಡಿ ಎನ್ನುತ್ತಿದ್ದಾರೆ ಸ್ಟೈಲೀಶ್ ಸ್ಟಾರ್ ಫ್ಯಾನ್ಸ್..